Informazioa

Izapide honen bidez zerga-bilketa prozedura eteteko eskaera egin ahal izango da zerga bi aldiz ez ordainarazteko.

Interesdunak zerga-egitate baten bidez zergak ordaindu dituela jakinaraziko dio zerga-administrazioari eta ondorioz eskatzen zaion ordainketa eteteko eskatuko dio.

Zerga-bilketa prozedura eteteko eskaera, borondatezko ordainketaren epean zein betearaztekoan eskatu daiteke.

Eskatutako etenaldia, zerga-egitate berberagatik lehenago ordaindutakoaren edo atxikitutakoaren arabera, osorik edo honen zati bat izan daiteke.

Dokumentazioa

Izapide honen hirugarren pausuan honako dokumentazioa erantsi behar da:

• Nortasun-agiria
• Besteak
• Zerga ordainagiriaren fotokopia
• Egindako ordainketaren fotokopia

Legezko informazioa

• Herritarrek Zerbitzu Publikoetan Sarbide Elektronikoa izateari buruzko ekainaren 22ko 11/2007 Legea
• Herri Administrazioen Araubide Juridikoaren eta Administrazio Prozedura Erkidearen 30/1992 Legea
• Datu Pertsonalen Babesari buruzko abenduaren 13ko 15/1999 Lege Organikoa
• Datu Pertsonalen Babesari buruzko abenduaren 13ko 15/1999 Lege Organikoa garatzen duen araudia onartzen duen Errege Dekretua
• Espedientean aplika daitekeen araudia, Euskal Autonomia Erkidegoko araudia eta lege-esparrua
• Datu pertsonaletarako jabetza publikoko fitxategiei eta Datuak Babesteko Euskal Bulegoa sortzeari buruzko otsailaren 25eko 2/2004 Legea
• Bizkaiko Lurralde Historikoko Zergei buruzko martxoaren 10eko 2/2005 Foru Araua
• Aplika daitezkeen udal ordenantzak

Oharrak

Izapide hau hainbat kanalen bidez egin daiteke.

www.errigoiti.net webgunean bitarteko telematikoak erabiliz bidera dezakezu.

Uria Auzoa, 1, 48309 Errigoitin kokatutako udal bulegoetan ere bidera dezakezu. Bertan dagokion inprimakia bete eta «Dokumentazioa» fitxan eskatzen den dokumentuak aurkeztu beharko dira.

Zalantzarik badaukazu edo informazio gehiago eskuratu nahi baduzu, deitu Errigoiti Udaleko telefono honetara: 94 625 41 90

Bideratze elektronikoko sistemari buruzko zalantzarik izatekotan, deitu 900 840 250 doako telefono zenbakira BiscayTIKeko Herritarrentzako Arreta Zentroarekin harremanetan jartzeko.