Ezkontza zibil baten ospakizuna eskatu ahal izango dute araudi zibilak zehazten dituen betekizun guztiak batzen dituzten pertsona guztiek. Gainera ospakizuna prestatzeko beharrezko dokumentazioa aurkeztu beharko dute ezkontza ospatu baino lehen Erregistro Zibilak aipaturiko betekizunak betetzen direla berresteko.

Aldez aurretik, interesdunek ezkontzaren ospakizunaren aldeko auto bat lortu behar izango dute Erregistro Zibilean. Behin Erregistro Zibilaren aldeko autoa lortuta, prozedura hau hasi eta dagokionean dokumentua eskabideari erantsiko zaio.

Udaletxeak, bere aldetik, ezkontzarekin erlazionaturiko dokumentazioa Erregistro Zibileko Epaile arduradunaren eskutik jasoko du. Dokumentazio jaso ondoren ezkontzaren eskaera dagokion erregistro-liburuan idatziko du.

Azkenik, Udaletxeak ezkontza-ospakizunaren data eta ordua jakinaraziko die ezkongaiei behar adina aurrerapenarekin.

Izapide honen bidez, interesdunak datuak babesteko eskubide hauek erabili ahal izango ditu:

• Irispidea: datuen tratamenduaren arduradunak interesdunari dagozkion datu pertsonalak tratatzen ari ote diren esan diezaion jakiteko eskubidea da, eta, hala bada, tratamenduaren helburuak, datu pertsonalen kategoriak, eta datuak jakinarazi zaizkien edo jakinaraziko zaizkien hartzaileak edo hartzaileen kategoriak; ahal bada, datu pertsonalak zenbat denboraz gordeko diren edo, ezin bada, zer irizpide erabiliko diren epe hori zehazteko; datu pertsonalak ez baldin badira interesdunarengandik jaso, zer iturritatik datozen jakitea; erabaki automatizaturik ba ote den, profilak egitea barne, eta, hala bada, gutxienez, erabiltzen den logikaren gaineko informazio esanguratsua, eta interesdunarentzat tratamendu horrek duen garrantzia eta izan ditzakeen ondorioak.
• Zuzentzea: interesdunak eskubidea izango du berari buruz dauden datu pertsonal okerrak arduradunak atzerapen bidegaberik gabe zuzendu ditzan.
• Ezereztea: baldintza hauetakoren bat gertatu behar da: datu pertsonalak jadanik ez dira beharrezkoak, bildu zirenean edo tratatu zirenean zeuden helburuen argitan; interesdunak bertan behera uzten du tratamenduaren oinarria den adostasuna; interesdunak tratamenduaren aurka egiten du, eta gainetik ez dago tratamendua gauzatzeko beste arrazoi legitimorik; datu pertsonalen tratamendua legez kontra egin da; datu pertsonalak ezereztatu behar dira, lege-betebehar baten indarrez.
• Tratamendua mugatzea: interesdunak eskubidea izango du tratamenduaren arduradunak datuen tratamendua mugatu dezan, baldintza hauetako bat gertatzen denean: interesdunak datu pertsonalen zehaztasunaren aurka egiten badu, tratamenduaren arduradunak datuon zehaztasuna egiaztatzeko adinako epe batez; tratamendua legez kontrakoa bada eta interesdunak datu pertsonalak ezereztearen aurka egiten badu eta, ordainetan, haien erabilera mugatzeko eskatu; arduradunak jadanik datu pertsonalak behar ez baditu tratamenduaren helburuari begira, baina interesdunak bai, erreklamazioak formulatzeko, egikaritzeko edo aldezteko; interesdunak tratamenduaren aurka egin badu, eta arduradunaren arrazoi legitimoak interesdunarenen gainetik dauden ala ez egiaztatzen den bitartean.
• Aurka egitea: bere egoera partikularra dela-eta, interesdunak eskubidea izango du, edozein unetan, berari buruzko datu pertsonalen tratamenduaren aurka egiteko, tratamendu hori adostasunean oinarritzen bada. Noiz eta arduradunak ez dituen egiaztatzen arrazoi legitimoak, esate baterako, interes publikoa.

Izapide honen bidez, interesdunak udalarekin egin duen administrazio-espediente baten kopia eska dezake. Horretarako, herritarrak alderdi interesduna dela frogatu eta kopiatu nahi duen administrazio-espedientea zein den zehaztu beharko du.

Behin datuak egiaztatuta, eta zuzenak izanik, interesdunari eskatutako espedientearen kopia igorriko zaio. Aurretik, dagokion auto-kitapena egingo da (egoki bada) zerga-ordenantza bidez.

Izapide hau informazioa emateko besterik ez da. Horrelako izapideak Uria Auzoa, 1 kalean dauden udal bulegoetan bidera daitezke. Informazio gehiago 94 625 41 90 telefonoan.

Izapide honen bidez ur-kontagailuaren irakurketa udaletxera bidal daiteke.

Kontagailua etxebizitza edo lokal barruan dagoenean eta zerbitzuaren erabiltzailea kanpoan denean, harpidedunak berak irakurketa egin dezake eta udaletxeari igor diezaioke prozedura honen bitartez.

Informazioa helburu horretarako jarri diren baliabideen bidez jakiraraziko da 5 eguneko epean gehienez, erantzun komertzialeko txartelean dagoen datatik aurrera. Informazioa beranduago igortzen bada, ezin izango da ziurtatu fakturazioan eragina izango duenik.

Jakinarazitako informazioa zuzena ez dela uste bada, harpidedunari informazioa ukatzeko arrazoien berri emango zaio eta irakurketa egokia egiteko argibideak emango zaizkio.

Izapide honen bidez udalarekiko ordainketak eta autolikidazioak egin ahal izango dira.

Izapide honen bidez interesdunek Arriskutsuak izan daitezkeen animalien erregistroan izena ematea eta animali horiek edukitzearen lizentzia eskatuko dute.

Euskal Autonomia Erkidegoan txakur-espezieak edukitzeari buruzko, uztailaren 1eko 101/2004 Dekretuaren I. Eranskinean, arriskutsuak izan daitezkeen txakur arrazak ezartzen dira, eta 2.Eranskinean, 1.Eranskinean agertzen ez diren arrazen artean arriskutsuak izan daitezkeen animalien ezaugarri berak dituzten animalien ezaugarriak ezartzen dira.

Izapide hau informazioa emateko besterik ez da. Horrelako izapideak Uria Auzoa, 1 kalean dauden udal bulegoetan bidera daitezke. Informazio gehiago 94 625 41 90 telefonoan.

Izapide hau informazioa emateko besterik ez da. Horrelako izapideak Uria Auzoa, 1 kalean dauden udal bulegoetan bidera daitezke. Informazio gehiago 94 625 41 90 telefonoan.

Prozedura honen bidez interesdunak udal-agiritegiko fondoak kontsultatzeko aukera izango du.

Prozedura honentzat indarrean dagoen ordenamendu juridikoak herritarren sarrera bermatzen du udal-agiritegietara, legeak mugatzen dituen salbuespenekin. Agiri publikoak ikusteko eskubideak agiri horien kopiak eta egiaztagiriak lortzeko aukera ematen du.

Eskabidea betetzean, interesdunak ikusi nahi duen agiria zein den adierazi beharko du.

Eskaera jaso ondoren eskatutako agiriak erabilgarri daudela egiaztatuko da eta, eskaera onartzen bada, dokumentuen kopiak eskabidean adierazitako helbide elektronikora bidaliko dira.